Eng nohalteg Mobilitéit baséiert op der aktiver Mobilitéit, dem ëffentlechen Transport an der Multimodalitéit. Si probéiert, den Impakt vun den Transportmëttelen op d’Ëmwelt ze reduzéieren.

 

Accessibilitéit fir jidderee garantéiert, dass all Mënsch wëllkomm ass a souwuel vum physeschen Ëmfeld wéi vum Event u sech profitéiere kann.

​

​ ELO-Moossnamen:

​

1. Benotze vun enger einfacher Sprooch;

2. De Public iwwer den Zougang zum Event via den ëffentlechen Transport informéieren;

3. Promotioun vun enger aktiver Mobilitéit an enger vereinfachter Benotzung dovun;

4. Ubidde vu Raschtméiglechkeeten op den Events (Sëtzplazen, Rouzonen);

5. Bereetstellung vu séchere Vëlosparkplazen;

6. Ausbildung vum Personal fir den Accueil vu Persoune mat spezifesche Besoinen;

7. Kommunikatioun iwwer d’Accessibilitéit fir Leit mat spezifesche Besoinen.